Bokstan álem chempıonatynda búgin 2 qazaqstandyq qyz rıngke shyǵady

YSTANBUL. QazAqparat - Bokstan áıelder arasyndaǵy Álem chempıonatynda búgin, 13 mamyrda qazaqstandyq eki sportshy sharshy alańǵa shyǵady, dep habarlaıdy QazAqparat.

Túrkııanyń Ystanbul qalasynda ótip jatqan Álem chempıonatynda búgin, 13 mamyrda keshki sessııada Gúlsaıa Erjan (81 keli) ýkraınalyq Olesıa Krysıýkpen kezdesedi.

Al Lázzat Kúngeıbaeva (81 keliden joǵary) túrkııalyq Shennýr Demırmen jekpe-jekke shyǵady.

Dúbirli dodada el quramasynan Alýa Balqybekova (48 keli), Jaına Shekerbekova (52 keli), Dına Jolaman (54 keli), Karına Ibragımova (57 keli), Valentına Halzova (70 keli) jarystyń kelesi satysyna shyqty.

Álem chempıonatyna elimizdiń atynan 12 boksshy bardy. Olardyń arasynan Nazym Qyzaıbaı (50 keli), Rımma Volosenko (60 keli), Aıda Ábikeeva (63 keli), Darıǵa Shákimova (66 keli) men Nadejda Rıabets (75 keli) jarys jolynan shyǵyp qaldy.

Álem chempıonaty 20 mamyrda máresine jetedi.