Bokstan álem chempıonatynda Alýa Balqybekova kanadalyq qarsylasyn jeńdi

YSTANBUL. QazAqparat - Bokstan áıelder arasyndaǵy bokstan álem chempıonatynda búgin, 10 mamyrda qazaqstandyq Alýa Balqybekova alǵashqy jekpe-jeginde jeńiske jetti, dep habarlaıdy QazAqparat.

Túrkııanyń Ystanbul qalasynda ótip jatqan álem chempıonatynda el quramasynan Alýa Balqybekova (48 keli) kanadalyq Prııanka Dıllonmen qolǵap túıistirdi.

Jekpe-jek barysynda ol jaqsy oıyn kórsetti. Nátıjesinde qarsylasyn qapy qaldyryp ketti. Osylaısha jarystyń kelesi satysyna joldama aldy.

Eske salsaq, 8 mamyrda el quramasynan Valentına Halzova (70 keli) kenııalyq Lorna Kýsa Sımbıdi tize búktirdi.

Sondaı-aq, dúbirli dodada elimizdiń atynan Nazym Qyzaıbaı (50 keli), Jaına Shekerbekova (52 keli), Dına Jolaman (54 keli), Karına Ibragımova (57 keli), Rımma Volosenko (60 keli), Aıda Ábikeeva (63 keli), Darıǵa Shákimova (66 keli), Nadejda Rıabets (75 keli), Gúlsaıa Erjan (81 keli) jáne Lázzat Kúngeıbaeva (81 keliden joǵary) synǵa túsedi.

Álem chempıonaty 20 mamyrda máresine jetedi.