Bokstan álem chempıonatyna baratyn Qazaqstan quramasy jasaqtaldy

NUR-SULTAN. QazAqparat - Bokstan álem chempıonatyna qatysatyn Qazaqstan ulttyq quramasynyń tizimi belgili boldy, dep habarlaıdy QazAqparat tilshisi elimizdiń boks federatsııasyna silteme jasap.

Bıyl Serbııa astanasy Belgrad qalasynda bokstan álem chempıonaty ótedi.

Oǵan baratyn elimizdiń ulttyq quramasynyń tizimi belgili boldy. Boksshylar eki márte uıymdastyrylǵan oqý-jattyǵý jıyny barysynda naqtylandy.

Quramanyń bas bapkeri Qaırat Sátjanov tómendegi oıynshylarǵa senim artty.

48 keli. Temirtas Júsipov

51 keli. Sáken Bıbosynov

54 keli. Mahmýd Sabyrhan

57 keli Serik Temirjanov

60 keli. Samatalı Tóltaev

63,5 kel. Sanatalı Tóltaev

67 keli. Abylaıhan Júsipov

71 keli. Aslanbek Shymbergenov

75 keli. Nurqanat Raıs

80 keli. Nurbek Oralbaı

86 keli. Bek Nurmaǵambet

92 keli. Aıbek Oralbaı

92 keliden joǵary Nurlan Saparbaı

Aıta keteıik, álem chempıonatynyń jalpy júlde qory 2,6 mln AQSh dollaryn quraıdy.

Jeńimpaz 100 000 dollar alsa, kúmis júldeger 50 000, qola júldeger 25 000 dollar alady.

Álem chempıonaty 24 qarasha jáne 6 qarasha aralyǵynda ótkiziledi.

Dúnıejúzlik doda 1974 jyldan beri turaqty túrde uıymdastyrylady. Qazaqstan quramasy búginge deıin 12 altyn, 13 kúmis, 21 qola júlde aldy.