Bokstan álem chempıonaty: Sanatálı Tóltaev moldovalyq qarsylasyn jeńdi

BELGRAD. QazAqparat - Serbııa astanasy Belgrad qalasynda ótip jatqan bokstan álem chempıonatynda Sanatálı Tóltaev alǵashqy jekpe-jegin sátti ótkizdi, dep habarlaıdy QazAqparat tilshisi.

Qazaqstandyq boksshy 63,5 keli salmaqta synǵa tústi. Ol 1/16 fınalda moldovalyq Vasılıı Chebotardy jeńdi. Tóreshiler biraýyzdan Sanatálıdiń jeńgenin jarııalady.

Aıta ketsek, budan buryn Temirtas Júsipov (48 keli), Sáken Bıbosynov (51 keli), Mahmýd Sabyrjan (54 keli), Serik Temirjanov (57 keli), Abylaıhan Júsipov (67 keli), Aslanbek Shymbergenov (71 keli), Nurqanat Raıs (75 keli), Nurbek Oralbaı (80 keli), Aıbek Oralbaı (92 keli) jarysty jalǵastyrýǵa múmkindik aldy.

Al Bek Nurmaǵambet (86 keli) pen Nurlan Saparbaı (92 keli) qarsylastaryna jol berdi.