Bokstan álem chempıonaty: Samatálı Tóltaev jarysty jalǵastyrady

BELGRAD. QazAqparat - Serbııa astanasy Belgrad qalasynda ótip jatqan bokstan álem chempıonatynda qazaqstandyq Samatálı Tóltaev ekinshi jekpe-jegin sátti ótkizdi, dep habarlaıdy QazAqparat tilshisi.

Samatálı Tóltaev (60 keli) kolýmbııalyq Dývan Sýleta Morenomen sheberlik baıqasty.

Birinshi raýndta qarsylastar teń deńgeıde oıyn kórsetti. Nátıjesinde 3 tóreshi Camatálıge qoldaý bildirse, ekeýi kolýmbııalyq sportshynyń jeńgenin kórsetti.

Ekinshi raýndta da jekpe-jek tartysty órbidi. Qazaqstandyq boksshynyń kóbirek soqqy jumsaǵany baıqalyp turdy. Sol arqyly tóreshiler sheshimimen Samatálı qarsylasyn 4:1 esebimen jeńdi.

Úshinshi raýndta da qazaqstandyq boksshy senimdi oıyn kórsetti. Qorytyndy nátıjede Samatálı jeńiske jetip, jarystyń kelesi satysyna shyqty. Endi olfrantsııalyq Sofıan Ýmıamen sheberlik baıqasady.

Eske salsaq, alǵashqy jekpe-jeginde Samatálı Tóltaev taılandtyq Hýnatıp Pıdnýchty qapy qaldyrǵan edi.

Sondaı-aq, búgin Mahmýd Sabyrhan (54 keli) shotlandııalyq Mettıý Makheıldiń osal tusyn tapty.

Aıta keterligi, álem chempıonatyna el quramasynda 13 boksshy bardy.

Olardyń arasynan Bek Nurmaǵambet (86 keli) pen Nurlan Saparbaı (92 keli) qarsylastaryna jol berdi.

Búgin 00:00-de Aslanbek Shymbergenov (71 keli) nemis Magomed Shahıdovpen kezdesedi. Bul - Aslanbektiń úshinshi jekpe-jegi. Ol budan buryn ol ıran boksshysy Farhad Moradı Atashgahty, ózbek sportshysy Shahram Gııasovty orta jolda qaldyrdy .

Al 01:45-te Aıbek Oralbaı (92 keli) ózbekstandyq Madııar Saıdrahımovpen sharshy alańǵa shyǵady. Ol buǵan deıin polshalyq Mateýsh Bereznıtskıdi jeńdi.