Bokstan álem chempıonaty: Samatálı Tóltaev taılandtyq boksshyny tize búktirdi

BELGRAD. QazAqparat - Serbııa astanasy Belgrad qalasynda ótip jatqan bokstan álem chempıonatynda qazaqstandyq Samatálı Tóltaev alǵashqy jekpe-jegin sátti ótkizdi, dep habarlaıdy QazAqparat tilshisi.

Samatálı Tóltaev 60 keli salmaqta taılandtyq Hýnatıp Pıdnýchpen sheberlik baıqasty.

Alǵashqy raýndta boksshylar teń deńgeıde oıyn kórsetti. Alǵashqysynda Samatálı jeńiske jetse, ekinshisinde taılandtyq boksshy basym tústi. Úshinshi raýndta tóreshiler qazaqstandyq boksshynyń jeńiske jetkenin rastady.

Osylaısha Samatálı jarysty jalǵastyrýǵa múmkindik aldy.

Eske salsaq, búgin Mahmýd Sabyrjan (54 keli) 1/16 fınalda Ońtústik Koreıadan kelgen In Kıý Kımmdi tize búktirse, Aıbek Oralbaı 92 keli salmaqta 1/16 fınalda polshalyq Mateýsh Bereznıtskıdiń osal tusyn tapty.

Endi Aslanbek Shymbergenov (71 keli) ózbek sportshysy Shahram Gııasovpen kezdesedi. Aslanbek budan buryn 1/32 fınalda ırandyq Farhad Moradı Atashgahty tize búktirgen edi.

Álem chempıonatyna el quramasynda 13 boksshy bardy. Olardyń arasynan Bek Nurmaǵambet (86 keli) pen Nurlan Saparbaı (92 keli) qarsylastaryna jol berdi.