Bokstan álem chempıonaty: Sáken Bıbosynov úndi boksshysynan basym tústi

BELGRAD. QazAqparat - Serbııa astanasy Belgrad qalasynda ótip jatqan bokstan álem chempıonatynda qazaqstandyq Sáken Bıbosynov shırek fınalǵa shyqty, dep habarlaıdy QazAqparat tilshisi.

Qazaqstandyq boksshy (51 keli) úndistandyq Dıtakpen qolǵap túıistirdi. Jekpe-jek barysynda Sákenniń basymdyǵy baıqalyp turdy. Dese de ol keıbir sátterde qarsylasynyń soqqysyn jiberip aldy.

Jalpy nátıjede tóreshiler Sákenniń jeńisine qoldaý bildirdi. Ol osylaısha shırek fınalǵa joldama aldy.

Sondaı-aq, búgin Serik Temirjanov (57 keli) úndistandyq Rohıt Mormen jeńip, jarystyń atalǵan satysyna shyqty.

Odan keıin Abylaıhan Júsipov shırek fınal joldamasyn ıelendi.

Al Nurqanat Raıys (75 keli) aýǵanstandyq Sýlıman Aslamıdi tize búktirdi.

Sondaı-aq, búgin Sanatálı Tóltaev (63,5 keli), Nurbek Oralbaı (80 keli) saıysqa túsedi.