Bokstan álem chempıonaty: Nurqanat Raıys úshinshi jekpe-jegin sátti ótkizdi

BELGRAD. QazAqparat - Serbııa astanasy Belgrad qalasynda ótip jatqan bokstan álem chempıonatynda qazaqstandyq Nurqanat Raıys shırek fınalǵa shyqty, dep habarlaıdy QazAqparat tilshisi.

Nurqanat Raıys aýǵanstandyq Sýlıman Aslamımen sheberlik baıqasty.

Jekpe-jekte qazaqstandyq boksshynyń jınaqy qımyly baıqaldy. Qarsylasqa kóp soqqyny dóp tıgizdi. Tóreshiler onyń jeńisin moıyndady.

Nurqanat 1/32 fınalda chernogorııalyq Stefan Savkovıchti jeńse, odan keıin moldovalyq Vlad Gavrılıýkten basym tústi.

Sondaı-aq, búgin Serik Temirjanov (57 keli) úndistandyq Rohıt Mormen jeńip, jarystyń atalǵan satysyna shyqty.

Odan keıin Abylaıhan Júsipov shırek fınal joldamasyn ıelendi.

Eske salsaq, budan buryn jarystyń atalǵan satysyna Temirtas Júsipov (48 keli), Mahmýd Sabyrhan (54 keli), Samatálı Tóltaev (60 keli) jáne Aslanbek Shymbergenov (71 keli) shyqty.

Sondaı-aq, búgin Nurqanat Raıys (75 keli), Sáken Bıbosynov (51 keli), Sanatálı Tóltaev (63,5 keli), Nurbek Oralbaı (80 keli) saıysqa túsedi.