Bokstan álem chempıonaty: Nurqanat Raıys qarsylasyna jol berdi

BELGRAD. QazAqparat - Serbııa astanasy Belgrad qalasynda ótip jatqan bokstan álem chempıonaty shırek fınalynda qazaqstandyq boksshy Nurqanat Raıys jekpe-jegin ótkizdi. dep habarlaıdy QazAqparat tilshisi

Nurqanat Raıys (75 keli) shırek fınalda Salvatore Kavallaromen qolǵap túıistirdi.

Jekpe-jek barysynda qos qarsylasyn belsendi qımyl kórsetti. Dese de tóreshiler ıtalııalyq boksshynyń shamaly basym ekenine qoldaý bildirdi. Tóreshiler sheshimimen ıtalııalyq jarysty jalǵastyrýǵa múmkindik aldy.

Buǵan deıin el quramasynan shırek fınalda Temirtas Júsipov (48 keli), Mahmýd Sabyrjan (51 keli), Abylaıhan Júsipov (67 keli) jarysty jalǵastyrýǵa múmkindik aldy.

Al búgingi kúndizgi sessııada Samatálı Tóltaev (60 keli) Sofıan Ýmıaǵa jol berdi.

Al 23.00-de bastalatyn keshki sessııada Sáken Bıbosynov (51 keli), Serik Temirjanov (57 keli), Sanatalı Tóltaev (63,5 keli) Aslanbek Shymbergenov (71 keli) jáne Nurbek Oralbaı (80 keli) búgin sharshy alańǵa shyǵady.