Bokstan álem chempıonaty: Lázzat Kúngeıbaeva fınalǵa joldama aldy

ASTANA. QazAqparat – Úndistannyń Nıý-Delı qalasynda bokstan áıelder arasynda ótip jatqan álem chempıonatynda Lázzat Kúngeıbaeva fınalǵa joldama aldy, dep habarlaıdy QazAqparat tilshisi.

Álem chempıony, 35 jastaǵy Lázzat Kúngeıbaeva asa aýyr salmaqta Eýropanyń eki dúrkin júldegeri, ázerbaıjandyq Aınur Rzaevamen qolǵap túıistirdi.

Birinshi raýndta bes tóreshiniń úsheýi Lázzatty basym dep tapty. Jekpe-jektiń ekinshi bóliginde olardyń bári jeńisti qazaqstandyq boksshyǵa berdi. Qorytyndy esep – 5:0, L.Kúngeıbaevanyń paıdasynda.

Osylaısha, fınalǵa shyqqan Karına Ibragımova men Lázzat Kúngeıbaeva altyn medal úshin talasatyn bolsa, Alýa Balqybekova, Nadejda Rıabets, Valentına Halzova jáne Farıza Sholtaıǵa qola júlde buıyrdy.

Eske sala keteıik, budan buryn álem chempıonatynda búgin qazaqstandyq 6 boksshynyń fınal joldamasyn sarapqa salatynyn jazǵan bolatynbyz.

Sondaı-aq álem chempıonatynda Alýa Balqybekova qola júldeger atandy.

Karına Ibragımova eki dúrkin álem chempıonyn utyp, fınalǵa shyqty.

Qazaqstan qorjynyna ekinshi qola júlde tústi.