Bokstan álem chempıonaty: qazaqstandyq júldegerler qansha tabys tapty

BELGRAD. QazAqparat - Belgradta ótken álem chempıonatynda qazaqstandyq boksshylar bes medal jeńip aldy: eki altyn, eki kúmis jáne bir qola. Bul týraly QazAqparat Sports.kz saıtyna silteme jasap habarlaıdy.

Elge «altyndy» Temirtas Júsipov (48 keli) pen Sáken Bıbosynov (51 keli), «kúmisti - Mahmud Sabyrhan (54 keli) pen Serik Temirjanov (57 keli), «qolany» Abylaıhan Júsipov (67 keli) ákeldi.

Medaldardan bólek, 2021 jylǵy álem chempıonatynyń jeńimpazdary AIBA-dan aýqymdy aqshalaı syıaqy aldy: altyn úshin 100 000 dollar, kúmis úshin 50 000 dollar jáne qola úshin 25 000 dollar.

Sondaı-aq medal alǵan qazaqstandyq boksshylarǵa Qazaqstan boks federatsııasy: «altynǵa» 70 000 dollar, «kúmiske» 50 000 dollar, «qolaǵa» 30 000 dollar tabys etti. Osylaısha, 2021 jylǵy álem chempıonatynyń júldegerleri qataryna engen qazaqstandyq bes boksshy 595 000 dollar tabys tapty.