Bokstan álem chempıonaty: Qazaqstandyq jastar búgin kimdermen kezdesedi

NUR-SULTAN. QazAqparat - Polshanyń Keltse qalasynda ótip jatqan jastar arasyndaǵy álem chempıonatynda búgin bes qazaqstandyq jekpe-jekke shyǵady, dep habarlaıdy QazAqparat Qazaqstan boks federatsııasyna silteme jasap.

Qazaqstandyq bylǵary qolǵap sheberleri kúndizgi jáne keshki sessııada saıysqa túsedi.

Kúndizgi sessııa elorda ýaqytymen 18.00-de bastalady. Alǵashqy jupta Gúlnur Turapbaı (51 keli) japonııalyq Hıkarý Shınoharamen sharshy alańǵa shyǵady. Al jetinshi jupta Erasyl Jakpekov (81 keli) kýbalyq Braıan Leon Salgadomen qolǵap túıistiredi. On úshinshi jupta Amanat Sabyrǵalı (91 keliden joǵary) ózbekstandyq Jahongır Zokırovpen jekpe-jekke shyǵady.

Al keshki sessııa elorda ýaqytymen 21.00-de jalǵasady. Bul joly altynshy jupta Sabyrjan Aqqalykov (64 keli) ımpanııalyq Fabıo Mazzıllı Blaskomen kezdesedi. Toǵyzynshy jupta Dıas Moljigitov (75 keli) moldovalyq Svıatoslav Voskresenskıımen jasyl alańǵa shyǵady.

Esterińizge sala ketelik, jastar arasyndaǵy álem chempıonatyna elimiz atynan 20 boksshy attanǵan bolatyn.