Bokstan álem chempıonaty: Aıbek Oralbaı qarsylasyna ese jiberdi

BELGRAD. QazAqparat - Serbııa astanasy Belgrad qalasynda ótip jatqan bokstan álem chempıonatynda qazaqstandyq Aıbek Oralbaı qarsylasyna ese jiberdi, dep habarlaıdy QazAqparat tilshisi.

Aıbek Oralbaı (92 keli) búgin ózbekstandyq Madııar Saıdrahımovpen sheberlik baıqasty. Ol Ózbekstanda turatyn ulty qazaq sportshy.

Birinshi raýndta Aıbek qarsylasyn bir márte nokdaýnǵa jiberip úlgerdi. Ekinshi raýndta onyń ózi nokdaýnǵa túsip qaldy. Úshinshi raýnd teń dárejede ótti. Nátıjesinde Madııar Saıdrahımov jarysty jalǵastyrýǵa múmkindik aldy.

Aıbek buǵan deıin polshalyq Mateýsh Bereznıtskıdi jeńgen bolatyn.

Aıta ketsek, 31 qazanda el quramasynan Mahmýd Sabyrhan (54 keli) men Samatálı Tóltaev (60 keli), Aslanbek Shymbergenov (71 keli) jarysty jalǵastyrýǵa múmkindik aldy.

Eske sala ketsek, álem chempıonatyna el quramasynyń sapynda 13 boksshy bardy.

Olardyń arasynan buǵan deıin Bek Nurmaǵambet (86 keli) pen Nurlan Saparbaı (92 keli) qarsylastaryna jol berdi.