Bokstan álem chempıonaty: Aıbek Oralbaı alǵashqy jekpe-jegin sátti ótkizdi

BELGRAD. QazAqparat - Serbııa astanasy Belgrad qalasynda ótip jatqan bokstan álem chempıonatynda qazaqstandyq Aıbek Oralbaı alǵashqy jekpe-jegin sátti ótkizdi, dep habarlaıdy QazAqparat tilshisi.

Aıbek Oralbaı 92 keli salmaqta 1/16 fınalda polshalyq Mateýsh Bereznıtskımen qolǵap túıistirdi. Jekpe-jek barysynda qazaqstandyq sportshy sátti oıyn ótkizdi. Qarsylasyna soqqyny kóbirek jumsady. Tóreshiler ony joǵary baǵalap, jarysty jalǵastyrýǵa múmkindik berdi.

Eske salsaq, búgin Mahmýd Sabyrjan (54 keli) 1/16 fınalda Ońtústik Koreıadan kelgen In Kıý Kımmdi tize búktirgen edi.

Sondaı-aq, búgin Samatálı Tóltaev (60 keli) taılandtyq Hýnatıp Pıdnýchpen sheberlik baıqassa, Aslanbek Shymbergenov (71 keli) ózbek sportshysy Shahram Gııasovpen kezdesedi.

Álem chempıonatyna el quramasynda 13 boksshy bardy. Olardyń arasynan Bek Nurmaǵambet (86 keli) pen Nurlan Saparbaı (92 keli) qarsylastaryna jol berdi.