Bokstan álem chempıonaty: Aslanbek Shymbergenov shırek fınalǵa shyqty

BELGRAD. QazAqparat - Serbııa astanasy Belgrad qalasynda ótip jatqan bokstan álem chempıonatynda qazaqstandyq Aslanbek Shymbergenov kezekti jekpe-jegin sátti ótkizdi, dep habarlaıdy QazAqparat tilshisi.

Qazaqstandyq boksshy 1/8 fınalda71 keli salmaqta germanııalyq Magomed Shahıdovpen kezdesti. Bul - Aslanbektiń úshinshi jekpe-jegi.

Tóreshiler birinshi jáne ekinshi raýndta biraýyzdan Aslanbektiń jeńisine qoldaý bildirdi. Úshinshi raýndta Aslanbek qarsylasyn nokaýtqa jiberdi. Nátıjesinde ol shırek fınalǵa joldama aldy.

Ol budan buryn ol ıran boksshysy Farhad Moradı Atashgahty, ózbek sportshysy Shahram Gııasovty orta jolda qaldyrdy.

Sondaı-aq, búgin Mahmýd Sabyrhan (54 keli) men Samatálı Tóltaev (60 keli) qarsylastaryn jeńip, jarysty jalǵastyrýǵa múmkindik aldy.

Búgin 01:45-te Aıbek Oralbaı (92 keli) ózbekstandyq Madııar Saıdrahımovpen sharshy alańǵa shyǵady. Ol buǵan deıin polshalyq Mateýsh Bereznıtskıdi jeńdi.