Bokstan álem chempıonaty: Aslanbek Shymbergenov ırandyq qarsylasyn jeńdi

NUR-SULTAN. QazAqparat - Serbııa astanasy Belgrad qalasynda ótip jatqan bokstan álem chempıonatynda búgin el quramasynan Aslanbek Shymbergenov alǵashqy jekpe-jegin ótkizdi, dep habarlaıdy QazAqparat tilshisi.

Aslanbek Shymbergenov (71 keli) 1/32 fınalda ırandyq Farhad Moradı Atashgahpen qolǵap túıistirdi Jekpe-jek barysynda qazaqstandyq boksshy senimdi oıyn kórsetti. Birinshi raýndta ırandyq boksshy jarysty jalǵastyra almaıtyn boldy. Tóreshiler sheshimimen jeńis Aslanbekke berildi.

Jambyl oblysynda 1993 jyly dúnıege kelgen A. Shymbergenov budan buryn 69 keli salmaqta synǵa tústi. Ol 2018 jyly Jazǵy Azııa oıyndarynda kúmis aldy. Al el birinshiliginde eki márte altynnan alqa taqsa, eki márte kúmis júldeni qanaǵat tutty.

Sondaı-aq, búgin Bek Nurmaǵambet (86 keli) alǵashqy jekpe-jegin ótkizedi.

Bas bapker Qaırat Sátjanov álem chempıonatyna 13 boksshy alyp bardy. Olardyń arasynda budan buryn Sáken Bıbosynov (51 keli), Serik Temirjanov (57 keli), Abylaıhan Júsipov (67 keli), Nurqanat Raıys (75 keli alǵashqy jekpe-jeginde jeńiske jetti.

Sondaı-aq, aldaǵy kúnderde Temirtas Júsipov (48 keli), Mahmýd Sabyrhan (54 keli), Samatalı Tóltaev (60 keli), Sanatalı Tóltaev (63,5 keli), Nurbek Oralbaı (80 keli), Aıbek Oralbaı (92 keli) men Nurlan Saparbaı (92 keliden joǵary) el namysyn qorǵaıdy.

Álem chempıonaty 6 qarashada máresine jetedi.