Bokstan álem chempıonaty: Abylaıhan Júsipov ekinshi jeńisine qol jetkizdi

NUR-SULTAN. QazAqparat - Serbııa astanasy Belgrad qalasynda ótip jatqan bokstan álem chempıonatynda búgin el quramasynan Abylaıhan Júsipov jarystyń kelesi satysyna shyqty, dep habarlaıdy QazAqparat tilshisi.

1/16 fınalda Abylaıhan Júsipov (67 keli) venesýelalyq Krıstıan Palasıomen kezdesti. Jekpe-jek barysynda qazaqstandyq boksshynyń basymdyǵy baıqalyp turdy. Nátıjesinde tóreshiler sheshimimen Abylaıhan qarsylasyn qapy qaldyryp, jarysty jalǵastyrýǵa múmkindik aldy.

Ol buǵan deıin Taıbeıden kelgen ıÝ Lındi jeńgen bolatyn. Abylaıhan bıyl ulttyq qurama kapıtany mindetin atqarady.

Qazaqstandyq boksshy 1997 jyly Qaraǵandy oblysy Abaı qalasynda dúnıege kelgen. 2017, 2019 jyldarda álem chempıonatynda qola júldeger atandy. Sondaı-aq, 2017 jyly Azııa chempıonatynda kúmis medal ıegeri boldy. Ol Olımpıada oıyndaryna qatysqan.

Eske salsaq, búgin Serik Temirjanov (57 keli) 1/16 fınalda japonııalyq Reıto Tsýtsýmıdi jeńip, 1/8 fınalǵa joldama aldy.