Bokstan ACh: jarystyń jetinshi kúni rıngke kimder shyǵady

<p>ASTANA. KAZINFORM &ndash; Taıland koroldiginiń Chıangmaı qalasynda bokstan erler jáne áıelder arasynda ótip jatqan Azııa chempıonatynda jarystyń jetinshi kúni Qazaqstannan bes boksshy shırek fınaldyq kezdesýlerin ótkizedi.</p>

Azııa jáne álem chempıony Sanjar Táshkenbaı 48 kelige deıingi salmaqta tájikstandyq Mehron Shafıevpen qolǵap túıistiredi.

Eki dúrkin álem chempıony, Tokıo Olımpıadasynyń qola júldegeri Sáken Bıbosynov (51 kg) ózbekstandyq Asılbek Jalılovpen jartylaı fınal joldamasyn sarapqa salady.

Taǵy bir álem chempıony Mahmud Sabyrhan (54 kg) Shrı-Lanka ókili Djaıanath Kýmaramen judyryqtasady

Muhamedsabyr Bazarbaıuly (63,5 kg) taılandtyq Somchaı Vongsývannan ótýge tyrysyp kóredi.

Sondaı-aq Saǵyndyq Toǵambaı (92 kg) ózbekstandyq qandasymyz, 2021 jylǵy álem birinshiliginiń qola júldegeri Madııar Saıdrahımovpen aıqasady.

Juma kúni shırek fınaldyq jekpe-jekter máresine jetedi.

Eske sala keteıik, budan buryn bokstan Azııa chempıonatynda Jazıra Oraqbaevanyń qarsylasyn nokaýtqa jibergenin jazǵan bolatynbyz.

Sondaı-aq Uljan Sársenbek qarsylasyn aıqyn basymdylyqpen utty.

Vıktorııa Grafeeva taıbeılik sportshyny nokaýtpen jeńdi.