Bokstan ACh: Uljan Sársenbek qarsylasyn aıqyn basymdylyqpen utty

<p>ASTANA. KAZINFORM &ndash; Taıland koroldiginiń Chıangmaı qalasynda bokstan erler jáne áıelder arasynda ótip jatqan Azııa chempıonatynda Uljan Sársenbek jartylaı fınalǵa ótti.Sporttyq jolynda jastar arasynda Azııa jáne álem chempıony atanyp úlgergen qazaqstandyq boksshy 57 kelige deıingi salmaqta vetnamdyq Tran Ngýenmen rıngke shyqty.</p>

Uljan qarsylasyn birden soqqynyń astyna aldy – 5:0. Ekinshi raýndta referı nokdaýnǵa esep ashty. Qorytyndy esep – 5:0.

Osylaısha, qarsylasyn aıqyn basymdylyqpen utqan jas boksshy jartylaı fınalǵa ótip, júldegerler qataryna qosyldy.

Eske sala keteıik, budan buryn bokstan Azııa chempıonatynda Orazbek Asylqulovtyń sharshy alań ıesin qapy qaldyrǵanyn jazǵan bolatynbyz.

Sondaı-aq Erasyl Jaqpekov jartylaı fınalǵa ótti.

Jazıra Oraqbaeva birinshi raýndta qarsylasyn nokaýtqa jiberdi.