Bokstan ÁCh: Ulttyq qurama kapıtany Aslanbek Shymbergenov 1/8 fınalǵa ótti

ASTANA. QazAqparat – Tashkent qalasynda bokstan erler arasynda ótip jatqan álem chempıonatynda ulttyq qurama kapıtany Aslanbek Shymbergenov alǵashqy jekpe-jegin sátti ótkizdi, dep habarlaıdy QazAqparat tilshisi.

Jambyl boks mektebiniń túlegi, Azııa chempıony A.Shymbergenov 71 kelige deıingi salmaqta 1/16 fınalda Trınıdad jáne Tobago ókili, 37 jastaǵy Aaron Prınspen sheberlik baıqasty.

Birinshi raýndta-aq tóreshiler túgeldeı Aslanbek basym dep tapty. Ekinshi, úshinshi kezeńde de eshteńe ózgergen joq. Qorytyndy esep – 5:0, A.Shymbergenovtiń paıdasynda.

Aslanbektiń kelesi qarsylasy – ızraıldik Mıroslav Kapýler.

Eske sala keteıik, búgin álem chempıonatynda Dýlat Bekbaýovtyń kelesi aınalymǵa ótkenin jazǵan bolatynbyz.

Sondaı-aq Ózbekstan quramasyndaǵy qazaq jigiti jeńiske jetti.

Foto: suhbat kadrynan alyndy