Bokstan ÁCh: Sanatáli Tóltaev jarys jolynan shyǵyp qaldy

ASTANA. QazAqparat – Ózbekstan astanasy Tashkentte bokstan erler arasynda ótip jatqan álem chempıonatynda Sanatáli Tóltaev 1/8 fınalǵa shyǵa almady, dep habarlaıdy QazAqparat tilshisi.

Qazaqstandyq boksshy 63,5 kelige deıingi salmaqta 1/16 fınalda Mavrıkııa ókili Rısharno Kolınmen judyryqtasty.

Mavrıkııalyq boksshynyń boıy da, qoly da uzyn bolǵandyqtan, Sanatáli úshin qolaısyz tıdi. Tóreshiler sheshimimen jeńis qarsylasynyń enshisinde ketti.

R.Kolın 1/8 fınalda Ózbekstan namysyn qorǵap júrgen qazaq jigiti Rýslan Abdýllaevpen sheberlik baıqasady. Ol ıspanııalyq Konde Oıer Ibarrecheni birinshi raýndta-aq eki ret nokdaýnǵa jiberip, merziminen buryn utty.

Búgin sondaı-aq asa aýyr salmaqta Qamshybek Qońqabaev rıngke shyǵyp, reseılik Alekseı Dronovpen sheberlik baıqasady.

Eske sala keteıik, budan buryn bokstan álem chempıonatynda Saǵyndyq Toǵambaıdyń qarsylasyn nokaýtpen utqanyn jazǵan bolatynbyz.

Sondaı-aq Sanatáli Tóltaev kelesi kezeńge joldama aldy.

Talǵat Syrymbetov Azııa chempıonyna jol berdi.