Bokstan ACh: Sáken Bıbosynov álem chempıonyn utyp, fınalǵa joldama aldy

ASTANA. QazAqparat – Iordanııa astanasy Amman qalasynda bokstan ótip jatqan Azııa chempıonatynda Sáken Bıbosynov fınalǵa shyqty, dep habarlaıdy QazAqparat tilshisi.

Keshki sessııany qos birdeı álem chempıony Sáken Bıbosynov pen japonııalyq Tomoıa Tsýboı (51 kg) bastady.

Olardyń ekeýi de 2021 jyly Belgradta ótken álem birinshiliginde top jarǵan bolatyn. 54 kelige deıingi salmaqta T.Tsýboı sońǵy jekpe-jekte qazaqstandyq Mahmýd Sabyrhannan aılasyn asyrǵan edi. Sondyqtan búgin Sáken komandalasynyń da esesin qaıtarýy tıis edi.

Qazaqstandyq boksshy birden urys tizginin qolǵa alyp, qarsylasynan bir bas joǵary ekendigin tanyta bildi. Tóreshiler esebi – 5:0, Sáken Bıbosynovtyń paıdasynda.

Osylaısha, S.Bıbosynov Qazaqstan quramasynan jetinshi bolyp fınalǵa joldama aldy.

Keshki sessııada sondaı-aq Aslanbek Shymbergenov (71 kg), aǵaıyndy jigitter Nurbek Oralbaı (80 kg) men Aıbek Oralbaı (92 kg) fınaldyń joldamasy úshin kúresedi.

Eske sala keteıik, budan buryn Azııa chempıonatynda búgin erlerden 12 qazaqstandyqtyń ½ fınalda shyǵatynyn jazǵan bolatynbyz.

Sondaı-aq qazaqstandyq boksshy qyzdardyń fınaldaǵy qarsylastary anyqtaldy.

Boksshy Sanjar Táshkenbaı jáne taǵy 4 qazaqstandyq fınalǵa shyqty.

Alýa Balqybekova bokstan Azııa chempıony atandy.

Bokstan Azııa chempıonatynda taǵy eki qazaqstandyq boksshy fınalǵa ótti.

Qamshybek Qońqabaev sońǵy aıqasqa joldama aldy.