Bokstan ÁCh: Ózbekstan quramasyndaǵy qazaq jigiti jeńiske jetti

ASTANA. QazAqparat – Tashkent qalasynda bokstan erler arasynda ótip jatqan álem chempıonatynda Ózbekstan quramasynda óner kórsetetin qazaq jigiti, 20 jastaǵy Rýslan Abdýllaev shırek fınalǵa shyqty, dep habarlaıdy QazAqparat tilshisi.

Azııa chempıony R.Abdýllaev 63,5 kelige deıingi salmaqta 1/8 fınalda mavrıkııalyq Rısharno Lýı Kolınmen judyryqtasty.

Ózbekstandyq boksshy aıqyn basymdylyq kórsetip, ekinshi raýndta qarsylasyn eki ret nokdaýnǵa jiberdi. Ol úshinshi kezeńde de osy qarqynynan tanǵan joq.

R.Kolın budan buryn 1/16 fınalda qazaqstandyq Sanatáli Tóltaevty jeńip ketken edi.

Rýslan Abdýllaev 2019-2020 jyldary Qazaqstanǵa kelip, osynda jarystarǵa qatysyp, quramaǵa iligýge tyrysqan bolatyn. Alaıda ol oıy oryndalmaǵannan keıin Ózbekstanǵa qaıtyp ketken edi.

Eske sala keteıik, budan buryn Sanatáli Tóltaevtyń jarys jolynan shyǵyp qalǵanyn jazǵan bolatynbyz.

Sondaı-aq 6 mamyrda Aslanbek Shymbergenov pen Dýlat Bekbaýovtyń synǵa túsetini habarlandy.

Búgin Dýlat Bekbaýov kelesi aınalymǵa ótti.