Bokstan ÁCh: Ózbekstan quramasyndaǵy qazaq jigiti álem chempıony atandy

ASTANA. QazAqparat – Tashkent qalasynda bokstan erler arasynda ótip jatqan álem chempıonatynda Ózbekstan quramasyndaǵy qazaq jigiti Rýslan Abdýllaev jeńimpaz atandy, dep habarlaıdy QazAqparat tilshisi.

Azııa chempıony, Tashkent tóńiregindegi Qybyraıdyń týmasy, 20 jastaǵy R.Abdýllaev 63,5 kelige deıingi salmaqta mońǵolııalyq Chınzorık Batarsýhpen sheberlik baıqasty.

Birinshi raýndta bes tóreshiniń tórteýi Rýslan basym dep tapty. Ekinshi kezeńde úsh qazy jeńisti ózbekstandyq boksshyǵa berdi. Qorytyndy esep – 5:0.

Osylaısha, Rýslan Abdýllaev Ózbekstan qorjynyna besinshi altyndy saldy.

R.Abdýllaev budan úsh-tórt jyl buryn, Qazaqstanǵa kelip, jastar arasynda el chempıonatyna qatysqanymen, joly bola qoıǵan joq. Sodan keıin Ózbekstanǵa qaıta oralǵan edi.

Eske sala keteıik, budan buryn Jánibek Álimhanulynyń kásipqoı boksta Stıven Batlerdi nokaýtpen utqanyn jazǵan bolatynbyz.

Sondaı-aq búgin Tashkentte qazaqstandyq úsh boksshy chempıondyq ataq úshin rıngke shyǵatyny habarlandy.

Mahmud Sabyrhan ózbek boksshysyn qos nokdaýnmen utyp, álem chempıony atandy.