Bokstan ÁCh: Nurqanat Raıys shırek fınalǵa shyǵa almady

ASTANA. QazAqparat – Tashkent qalasynda bokstan erler arasynda ótip jatqan álem chempıonatynda búgin qazaqstandyqtardan sońǵy bolyp rıngke Nurqanat Raıys shyqty, dep habarlaıdy QazAqparat tilshisi.

Azııa chempıonatynyń kúmis júldegeri N. Raıys 75 kelige deıingi salmaqta 1/8 fınalda brazılııalyq Vanderleı Pereıramen kúsh synasty.

Birinshi raýndta bes tóreshiniń tórteýi brazılııalyq boksshy dálirek soqqy jumsady dep tapty. Ekinshi kezeńde basymdyq túgeldeı Pereıraǵa aýdy. Qorytyndy esep – 5:0, brazılııalyq sportshy shırek fınalǵa joldama aldy.

Osylaısha, búgin rıngte óner kórsetken bes qazaqstandyq boksshynyń tórteýi shırek fınalǵa shyqty.

Álem chempıonatynyń shırek fınalynda barlyǵy jeti qazaqstandyq boksshy baq synaıdy.

Eske sala keteıik, budan buryn bokstan ulttyq qurama kapıtany Aslanbek Shymbergenovtiń shırek fınalǵa shyqqanyn jazǵan edik.

Sondaı-aq, Nurbek Oralbaı shırek fınalǵa joldama aldy.

Mahmud Sabyrhan ekinshi jeńisine qol jetkizdi.

Qytaı quramasyndaǵy qazaq boksshysy álem chempıonatynda qarsylasyn nokaýtpen utty.

Dýlat Bekbaýov shırek fınalǵa ótti.