Bokstan ÁCh: Nazym Qyzaıbaı men Karına Ibragımova bastapqy jekpe-jekterin ótkizedi

ASTANA. QazAqparat – Úndistannyń Nıý-Delı qalasynda bokstan áıelder arasynda ótip jatqan álem chempıonatynda búgin Nazym Qyzaıbaı men Karına Ibragımova bastapqy kezdesýlerin ótkizedi, dep habarlaıdy QazAqparat tilshisi.

Qazaqstandyq qyzdardyń ekeýi de Astana ýaqytymen saǵat 18:30-da bastalatyn keshki sessııada óner kórsetedi.

Álem chempıony Nazym Qyzaıbaı 50 kelige deıingi salmaqta 1/16 fınalda Vetnam ókili Thı Tam Ngýenmen judyryqtasady.

Álem chempıonatynyń qola júldegeri Karına Ibragımova 57 kelige deıingi salmaqta kolýmbııalyq Valerııa Arboleda Mendosamen sheberlik baıqasady.

Álem birinshiligi «Qazsport» telearnasynan tikeleı efırde kórsetiledi.

Eske sala keteıik, budan buryn bokstan álem chempıonatynda Jazıra Oraqbaevanyń alǵashqy qarsylasynan nokaýtpen jeńgenin jazǵan bolatynbyz.

Sondaı-aq Rımma Volosenko ózbekstandyq sportshyny jeńdi.

Qarsylasyn nokaýtpen jeńgen Farıza Sholtaı 1/4 fınalǵa shyqty.

Bokstan álem chempıonatynda búgin úsh qazaqstandyqtyń rıngke shyǵatyny habarlandy.

Alýa Balqybekova qarsylasyn aıqyn basymdylyqpen utty.

Jaına Shekerbekova alǵashqy jekpe-jegin sátti ótkizdi.

Nadejda Rıabets kelesi kezeńge ótti.