Bokstan ÁCh: Nadejda Rıabets kelesi kezeńge joldama aldy

ASTANA. QazAqparat – Úndistannyń Nıý-Delı qalasynda bokstan áıelder arasynda ótip jatqan álem chempıonatynda Nadejda Rıabets kelesi kezeńge joldama aldy, dep habarlaıdy QazAqparat tilshisi.

Jastar arasynda álem chempıony, Tokıo olımpıadasyna qatysqan qostanaılyq N.Rıabets 66 kelige deıingi salmaqta domınıkandyq Marııa Moronta Ernandespen sheberlik baıqasty.

N.Rıabets alǵashqy kezdesýinde ońtústikkoreıalyq Sen Sýdjınnen sál ǵana basym túsken bolatyn.

Bul joly birinshi raýndta tóreshiler tolyqtaı qazaqstandyq boksshy basym dep tapty – 5:0. Ol kezdesýdiń ekinshi bóliginde de sol qarqynynan tanǵan joq. Qorytyndy esep – 5:0, Nadejda Rıabetstiń paıdasynda.

Osylaısha, álem birinshiliginde búgin rıngke shyqqan bes qazaqstandyq boksshynyń tórteýi kelesi kezeńge shyqty. Barlyǵy 9 qazaqstandyq jarys jolyn jalǵastyrýda.

Eske sala keteıik, budan buryn Mádına Nurshaevanyń shırek fınalǵa ótkenin jazǵan bolatynbyz.

Sondaı-aq Jaına Shekerbekova men Valentına Halzova ¼ fınalǵa joldama aldy.

Bokstan álem chempıonatynda búgin bes qazaqstandyq sportshynyń baq synaıtyny habarlandy.

Alýa Balqybekova shırek fınalǵa shyqty.

Karına Ibragımova 1/8 fınalǵa joldama aldy.

Aıda Ábikeeva jarys jolynan shyǵyp qaldy.

Rımma Volosenko shırek fınalǵa ótti.