Bokstan ÁCh: Nadejda Rıabets kelesi kezeńge ótti

ASTANA. QazAqparat – Úndistannyń Nıý-Delı qalasynda bokstan áıelder arasynda ótip jatqan álem chempıonatynda Nadejda Rıabets kelesi kezeńge ótti, dep habarlaıdy QazAqparat tilshisi.

Jastar arasynda álem chempıony, Tokıo olımpıadasyna qatysqan N.Rıabets 66 kelige deıingi salmaqta ońtústikkoreıalyq Sen Sýdjınmen judyryqtasty.

Tartysty ótken jekpe-jekte birinshi raýndta tóreshiler pikirine oraı Nadejda basymdylyq kórsetti – 3:2. Ekinshi kezeńde tarazy basy koreıalyq boksshy jaǵyna aýdy – 2:3. Úshinshi, sheshýshi raýnd ta qyzý ótti. Qazylar az-kem basymdylyqpen jeńisti qazaqstandyq boksshyǵa berdi.

Osylaısha, álem birinshiligi bastalǵannan beri Qazaqstannan alty boksshy rıngke shyqsa, olardyń bári de kelesi kezeńge joldama aldy.

Dúnıejúzilik doda erteń jalǵasady.

Eske sala keteıik, budan buryn bokstan álem chempıonatynda Jazıra Oraqbaevanyń alǵashqy qarsylasynan nokaýtpen jeńgenin jazǵan bolatynbyz.

Sondaı-aq Rımma Volosenko ózbekstandyq sportshyny jeńdi.

Qarsylasyn nokaýtpen jeńgen Farıza Sholtaı 1/4 fınalǵa shyqty.

Bokstan álem chempıonatynda búgin úsh qazaqstandyqtyń rıngke shyǵatyny habarlandy.

Alýa Balqybekova qarsylasyn aıqyn basymdylyqpen utty.

Jaına Shekerbekova alǵashqy jekpe-jegin sátti ótkizdi.