Bokstan ÁCh: Mahmud Sabyrhan alǵashqy jeńisine qol jetkizdi

ASTANA. QazAqparat – Ózbestan astanasy Tashkent qalasynda bokstan erler arasynda ótip jatqan álem chempıonatynda Mahmud Sabyrhan alǵashqy jeńisine qol jetkizdi, dep habarlaıdy QazAqparat tilshisi.

«Qazaqtyń Lomachenkosy» atanyp ketken, Belgradta ótken álem chempıonatynyń kúmis júldegeri M.Sabyrhan 54 kelige deıingi salmaqta majarstandyq Ishtvan Sakomen sheberlik baıqasty.

Birinshi raýndta tóreshilerdiń tórteýi qazaqstandyq boksshy basym dep tapty. Ekinshi kezeńde Mahmud qarqyndy údetti – 5:0. Jekpe-jek qorytyndysynda da tóreshiler biraýyzdan jeńisti Mahmud Sabyrhanǵa berdi.

Sóıtip, ol kelesi kezeńge ótti.

Búgin keshki sessııada Qazaqstannan Sanjar Táshkenbaı men Saǵyndyq Toǵambaı ózbekstandyqtar Shodıerjon Melıkýzıev jáne Shohjahon Abdýllaevpen qolǵap túıistiredi.

Eske sala keteıik, budan buryn bokstan álem chempıonatynda Qazaqstan quramasynan úshinshi bolyp Qamshybek Qońqabaevtyń shırek fınalǵa ótkenin jazǵan edik.

Sondaı-aq Qytaı qazaǵy bokstan álem chempıonatynda ekinshi jeńisine qol jetkizdi.