Bokstan ÁCh kúmis júldegeri Ibragımova fınaldaǵy jeńilisine qatysty pikir bildirdi

ASTANA. QazAqparat - Úndistan astanasy Nıý-Delı qalasynda ótip jatqan bokstan áıelder arasynda álem chempıonatynda kúmis júldeger atanǵan qazaqstandyq Karına Ibragımova fınaldaǵy jekpe-jegi jóninde pikir bildirdi, dep habarlaıdy QazAqparat tilshisi.

Qazaqstandyq boksshy 57 kelide fınalda ıtalııalyq Irma Testaǵa ese jiberdi.

«Jekpe-jekke daıyndyq pen taktıka barlyǵy óz deńgeıinde bolatyn. Qoldan kelgenshe áreket etýge tyrystym. Árbir jekpe-jekke baılanysty naqty qorytyndy jasaýǵa bolady. Jeńilis nemese jeńis ekeni sarapqa salynady. Bastysy, bapkerler úıretken ádis-tásilderdi júzege asyra aldym. Álem chempıonatynda barlyǵy jeńis tuǵyrynan kóringisi keledi. Fınalda bar kúshin salady. Fınaldaǵy jekpe-jekte jeńis qarsylasyma buıyrdy. Bul bizdiń sońǵy kezdesýimiz emes dep sanaımyn. Olımpıada oıyndary jaqyndap keledi. Alda úlken maqsat bar. Sol baǵytta jumys jasaımyz», - dedi Karına Ibragımova.

Endi el quramasynan Lázzat Kúngeıbaeva (81 keliden joǵary) erteń, 26 naýryzda fınalda marokkolyq Mardı Hadıdjamen qolǵap túıistiredi.

Al el quramasynan Alýa Balqybekova (48 keli), Nadejda Rıabets (66 keli), Valentına Halzova (75 keli) jáne Farıza Sholtaıǵa (81 keli) qola júlde buıyrdy.