Bokstan ÁCh: Qazaqstan Sanatáli Tóltaevtyń daýly jeńilisinen keıin apellıatsııaǵa berdi

BELGRAD. QazAqparat – Qazaqstan quramasy 2021 jyly Belgradta ótken álem chempıonatynda Sanatáli Tóltaevtyń shotlandııalyq Rıza Lınchke qarsy shırek fınaldaǵy jekpe-jeginde tóreshilerdiń sheshimine shaǵymdandy, dep habarlaıdy Sports.kz.

Qazaqstandyq komanda osy jekpe-jektiń nátıjesin appelıatsııaǵa berdi. Bul týraly Instagram-da bokstan QR quramasynyń memlekettik jattyqtyrýshysy Baqtııar Artaev jazdy.

Eske sala keteıik, Tóltaev pen Lınchtiń 1/4 fınaldaǵy 63,5 kelige deıingi salmaq dárejesindegi aıqasynda shotlandııalyq boksshy jeńiske jetti (3:2), biraq bul sheshim daý týdyrǵan bolatyn.

ÁCh-2021 shırek fınalyna shyqqan on qazaqstandyq boksshynyń tek beseýi jartylaı fınalǵa joldama aldy, olar: Temirtas Júsipov (48 kg), Sáken Bıbosynov (51 kg), Mahmud Sabyrhan (54 kg), Serik Temirjanov (57 kg) jáne Abylaıhan Júsipov (67 kg).