Bokstan ACh: Karına Ibragımova fınalda olımpıada chempıonyn utyp, jeńimpaz atandy

ASTANA. QazAqparat – Iordanııa astanasy Amman qalasynda bokstan ótip jatqan Azııa chempıonatynda Karına Ibragımova jeńimpaz atandy, dep habarlaıdy QazAqparat tilshisi.

Álem chempıonatynyń qola júldegeri Karına Ibragımova 57 kelige deıingi salmaqta Tokıo olımpıadasynyń jeńimpazy, japonııalyq Irıe Senamen judyryqtasty.

Karına jartylaı fınalda álem chempıony, fılıppındik Nestı Petesıony jarys jolynan shyǵaryp tastap edi. Osy N.Petesıony olımpıada fınalynda I.Sena utqan bolatyn.

Karına fınalda qoly men boıynyń uzyndyǵyn paıdalanyp, dál soqqy jasaýǵa tyrysty. Ol solaı boldy da. Ekinshi raýndta japonııalyq boksshy eskertý alyp, upaıy shegerildi. Degenmen úshinshi kezeń sońynda Karına nokdaýn aldy. Esep – 3:1, K.Ibragımova chempıon atandy.

Osylaısha, Qazaqstan qorjynyna úshinshi altyn tústi.

Búgin sondaı-aq Gúlsaıa Erjan 81 kelige deıingi salmaqta úndistandyq Savıtımen qolǵap túıistiredi.

Eske sala keteıik, budan buryn Azııa chempıonatynda Aıbek Oralbaıdyń Qazaqstannan toǵyzynshy bolyp fınalǵa shyqqanyn jazǵan edik.

Sondaı-aq erlerden fınalǵa shyqqan toǵyyz qazaqstandyqtyń beseýi ózbekstandyqtarmen kezdesedi.

Bokstan Azııa chempıonatynda qazaqstandyqtardyń fınaldyq jekpe-jekteriniń kestesi jarııalandy.

Jaına Shekerbekova el qorjynyna ekinshi altyndy saldy.

Foto: sports.kz