Bokstan ÁCh: Qansha qazaqstandyq ½ fınalǵa ótti jáne qarsylastary kim
½ kezeńge joldama alǵan boksshylar jóninen el quramasy tórtinshi orynda tur. Kósh basynda 9 boksshysy jartylaı fınalǵa shyqqan Ózbekstan quramasy ornalasqan. Odan keıingi oryndardaǵy Kýba men Reseıdiń enshisinde 6 sportshydan bar.
Al Grýzııa, Úndistan, Frantsııa jáne Ispanııa 3 boksshyǵa úmit artsa, Armenııa, Mońǵolııa, Brazılııa jáne Ázerbaıjan eki, Qyrǵyzstan, Iordanııa, Tájikstan, Qytaı, Meksıka jáne Italııa bir-bir sportshysyn básekege qosady.
Qazaqstandyq boksshylardyń jartylaı fınaldaǵy qarsylastary
El quramasynan sharshy alańǵa birinshi bolyp shyǵatyn Sanjar Táshkenbaı (48 keli) taılandtyq Výttıchaı ıÝrachaımen qolǵap túıistiredi. Qarsylasy 2021 jylǵy álem chempıonatynyń kúmis júldegeri.
Al Mahmýd Sabyrhan (54 keli) fınalǵa beriletin joldamany kýbalyq Iosvanı Veıtımen sarapqa salady. Kýbalyq sportshy 2017 jyly álem chempıony bolsa, 2015 jyly – kúmis, 2013 jyly qola aldy.
Sondaı-aq Dýlat Bekbaýov (67 keli) 2021 jyly álem chempıonatynda «qola» alǵan grýzın Lasha Gýrýlımen judyryqtasady.
Ulttyq qurama kapıtany Aslanbek Shymbergenov (71 keli) úndistandyq Nıshant Devomen kezdesse, Nurbek Oralbaı (80 keli) 2020 jylǵy Olımpıadada qola alǵan reseılik Imam Hataevpen sharshy alańǵa shyǵady.
Jartylaı fınal oıyndary 12 mamyrda ótse, fınal 13 jáne 14 mamyr kúnderine belgilengen.
Eske salsaq, 10 mamyr kúngi keshki sessııada Dýlat Bekbaýov (67 keli), Mahmýd Sabyrhan, Sanjar Tashkenbaı bokstan álem chempıonatynyń jartylaı fınalyna ótti.
Aslanbek Shymbergenov (71 keli) pen Nurbek Oralbaı (80 keli) da jarysty jalǵastyrýǵa múmkindik aldy.
Kúndizgi sessııada Serik Temirjanov (57 keli) kýbalyq Saıdel Orta Rodrıgeske ese jiberip qoısa, Qamshybek Qońqabaev (92 keliden joǵary) ta jarys jolynan shyǵyp qaldy.