ASTANA. KAZINFORM – Taıland koroldiginiń Chıangmaı qalasynda bokstan erler jáne áıelder arasynda ótip jatqan Azııa chempıonatynda Áıgerim Sáttibaeva jartylaı fınalǵa joldama aldy.
Áıgerim 48 kelige deıingi salmaqta fılıppındik Ofelııa Manomen qolǵap túıistirdi.
Jekpe-jek tartysty ótip, tóreshiler sheshimimen jeńis Á.Sáttibaevaǵa berildi.
Á.Sáttibaeva – belgili boksshy, Azııa chempıony, Rıo Olımpıadasyna qatysqan Oljas Sáttibaevtyń zaıyby, bes balanyń anasy. 2010 jyly Azııa chempıonatynyń qola júldegeri atanǵan Áıgerim sportqa uzaq úzilisten keıin ótken jyly oralǵan edi.
Eske sala keteıik, budan buryn bokstan Azııa chempıonatynda Dıas Moljigitovtiń jartylaı fınalǵa joldama alǵanyn jazǵan bolatynbyz.
Sondaı-aq Dýlat Bekbaýov malaızııalyq boksshyny nokaýtpen utty.
Abylaıhan Júsipov Azııa chempıonatynyń jartylaı fınalyna ótti.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).