Bokstan ÁCh: Alýa Balqybekova shırek fınalǵa shyqty

ASTANA. QazAqparat – Úndistannyń Nıý-Delı qalasynda bokstan áıelder arasynda ótip jatqan álem chempıonatynyń kezekti kúni bastaldy, dep habarlaıdy QazAqparat tilshisi.

Búgin qazaqstandyqtardan alǵashqy bolyp ótken jylǵy álem chempıonatynyń kúmis júldegeri Alýa Balqybekova rıngke shyqty.

Alýa 48 kelige deıingi salmaqta reseılik, Eýropa chempıony ıÝlııa Chýmgalakovamen sheberlik talastyrdy. Alǵashqy eki raýndta tóreshiler qazaqstandyq boksshy basym dep tapty. Qorytyndy esep te ózgergen joq – 4:1, A.Balqybekovanyń paıdasynda.

Osylaısha, ekinshi jekpe-jegin de sátti ótkizgen Alýa Balqybekova shırek fınalǵa shyqty.

Eske sala keteıik, budan buryn Mádına Nurshaevanyń shırek fınalǵa ótkenin jazǵan bolatynbyz.

Sondaı-aq Jaına Shekerbekova men Valentına Halzova ¼ fınalǵa joldama aldy.

Bokstan álem chempıonatynda búgin bes qazaqstandyq sportshynyń baq synaıtyny habarlandy.