Bokstan ÁCh-2021: júldeger qazaqstandyqtardy rekordtyq aqshalaı syıaqy kútip tur

NUR-SULTAN. QazAqparat – 24 qazan men 6 qarasha aralyǵynda Belgradta áýesqoılar arasynda bokstan álem chempıonaty ótedi. Onda qazaqstandyq boksshylar da óner kórsetedi, dep habarlaıdy QazAqparat Sports.kz-ke silteme jasap.

Bul planetarlyq birinshiliktiń aldyńǵy birinshilikten basty aıyrmashylyǵy – júldegerlerge aıtarlyqtaı aqshalaı syıaqy berilýinde. Óz tarıhynda alǵash ret AIBA (Halyqaralyq boks federatsııasy) birinshi oryn úshin boksshyǵa 100 myń dollar kóleminde syıaqy beredi, - dep habarlaıdy Aiba.com.

Kúmis júldeger 50 myń AQSh dollaryn, al qola júldegerler 25 myń AQSh dollarynan alady. Álem chempıonatynyń jalpy júlde qory 2 600 000 AQSh dollaryn qurady.

«Bul bizdiń boksshylar úshin úlken artyqshylyq bolatynyn bilemiz. Olar rıngte tabysqa jetip qana qoımaı, ózin-ózi qamtamasyz etýi kerek», — dedi AIBA prezıdenti Ýmar Kremlev.