Bokstan ÁCh: 20 jastaǵy Mahmýd Sabyrhan shırek fınalǵa shyqty

NUR-SULTAN. QazAqparat – Qazaqstandyq, 20 jastaǵy Mahmýd Sabyrhan Serbııa astanasy Belgradta bokstan ótip jatqan álem chempıonatynyń shırek fınalyna shyqty, dep habarlaıdy QazAqparat tilshisi.

Búgin 54 kelige deıingi salmaqta M.Sabyrhan ekinshi aınalymda shotlandııalyq Mettıý Makheılmen judyryqtasty.

Mahmýd úsh raýnd boıy shıraq qımyldap, qarsylasyna soqqylaryn dál tıgizip otyrdy.

Tóreshiler (4:1) jeńisti qazaqstandyq boksshyǵa berdi.

M.Sabyrhan 2 qarasha kúni jartylaı fınalǵa shyǵý úshin brazılııalyq Maıkl Trınıdadpen talasady.

Eske sala keteıik, budan buryn búgin sharshy alańǵa kimder shyǵatynyn jazǵan bolatynbyz.

Keshki sessııada Qazaqstannan Samatálı Tóltaev, Aslanbek Shymbergenov jáne Aıbek Oralbaı rıngke shyǵady.