Boksshy Jánibek Álimhanuly málimdeme jasady

NUR-SULTAN. QazAqparat – Qazaqstandyq boksshy Jánibek Álimhanuly (12-0, 8 KO) orta salmaqtaǵy álem chempıondarynyń ózimen nege judyryqtasýdy qalamaıtynyn túsindirdi, dep habarlaıdy QazAqparat boksshynyń tvıtterdegi paraqshasyna silteme jasap.

«Barlyǵy chempıondar menimen judyryqtasyp aqsha taba almaıdy deıdi. Bul – qate. Aqshadan ǵana emes, densaýlyǵynan, esiminen, tipti ómirinen de aıyrylady! Men olardy túsinemin! Olar aqshany oılamaıdy, tek ómir súrgisi keledi! Jaqynda... jáne jańasy!», - dep jazdy Álimhanuly Twitter-degi paraqshasynda.

Eske salaıyq, qazir Jánibek Álimhanuly WBO tujyrymy boıynsha orta salmaqtaǵy «ýaqytsha» álem chempıony.

WBO beldiginiń tolyqqandy ıegeri – Demetrıýs Andrade (31-0, 19 KO). Sondaı-aq 160 fýnt salmaqta úsh beldik (WBA Super, IBF jáne IBO) ıesi Gennadıı Golovkın (42-1-1, 37 KO) bolsa, WBC beldigi Djermall Charloǵa (32-0, 22 KO) tıesili.

Foto: twitter.com/@qazaqstyle