Boksshy Qamshybek Qońqabaev sharshy alańǵa shyqpaı qaldy

NUR-SULTAN. QazAqparat – Búgin Iordanııanyń Amman qalasynda ótip jatqan Olımpıadaǵa irikteý týrnıriniń jartylaı fınaldyq básekesine Qamshybek Qońqabaev qatysqan joq, dep habarlaıdy QazAqparat tilshisi.

Ol shırek fınalda alǵan jaraqatyna baılanysty kezdesýge shyǵýdan bas tartty. Osylaısha Qońqabaev kezekti jarysqa shyqpasa da, Olımpıadaǵa irikteý týrnıriniń qola júldegeri boldy. Ol shırek fınalda qytaılyq Maımaııtı Aemaııtıdi aıqyn basymdylyqpen utyp, jartylaı fınal men Olımpıada joldamasyn qanjyǵasyna baılaǵan bolatyn.

Osylaısha, Ǵalymbek Kenjebaev baptaıtyn boksshylar Olımpıada oıyndaryna 7 joldama jeńip alsa, búgin tórt boksshy fınalǵa shyqty. Úsh boksshymyz qola medaldi qanaǵat tutty.

Qola medaldardy erler arasynan Abylaıhan Júsipov (69 keli) jáne Serik Temirjanov (57) jáne +91 keli salmaqta Qamshybek Qońqabaev jeńip alsa, áıelder boksynan 75 keli salmaqta Nadejda Rıabets utyp aldy.

Al erteń, ıaǵnı olımpıadalyq irikteý týrnıriniń sońǵy kúni tórt qazaqstandyq boksshy altyn medalǵa talasady. Olar - Zákir Safıýllın (63 keli), Vasılıı Levıt (91 keli), Ábilhan Amanqul (75 keli) jáne 81 keli salmaqtaǵy Bekzat Nurdáýletov.