Boksshy Gúlsaıa Erjan Azııanyń kúmis júldegeri atandy

ASTANA. QazAqparat – Iordanııa astanasy Amman qalasynda bokstan ótip jatqan Azııa chempıonatynda Gúlsaıa Erjan kúmis júldeger atandy, dep habarlaıdy QazAqparat tilshisi.

Gúlsaıa Erjan 81 kelige deıingi salmaqta fınalda asa tájirıbeli úndistandyq Savıtımen sheberlik baıqasty.

Tóreshiler alǵashqy eki raýndta úndistandyq boksshy basym dep tapty. Jalpy esep – 5:0, Savıtıdiń paıdasynda.

Osylaısha, Qazaqstan áıelder quramasy Azııa chempıonatyn 3 altyn, 1 kúmis jáne 5 qola júldemen qorytyndylady. Bul – jaqsy nátıje.

Erteń erler arasynda toǵyz qazaqstandyq boksshy altyn júldeni sarapqa salady.

Eske sala keteıik, budan buryn Azııa chempıonatynda Aıbek Oralbaıdyń Qazaqstannan toǵyzynshy bolyp fınalǵa shyqqanyn jazǵan edik.

Sondaı-aq erlerden fınalǵa shyqqan toǵyyz qazaqstandyqtyń beseýi ózbekstandyqtarmen kezdesedi.

Bokstan Azııa chempıonatynda qazaqstandyqtardyń fınaldyq jekpe-jekteriniń kestesi jarııalandy.

Jaına Shekerbekova el qorjynyna ekinshi altyndy saldy al, Karına Ibragımova fınalda olımpıada chempıonyn utyp, úshinshi altyndy saldy.