«Boksshy Golovkınniń súıikti áıeli» - baspasózge sholý
***
«Egemen Qazaqstan» basylymynyń búgingi sanynda VII Astana ekonomıkalyq forýmynyń ekinshi kúninde kóterilgen basty taqyryptar oqyrman nazaryna usynylyp otyr.
«Forýmnyń kún taqyrybynda keltirilgenindeı, halyqaralyq qarjy júıesi bolashaqta bir-birine qaıshy eki baǵytta damýy múmkin. Onyń birinshisi - úlken ıntegratsııalaný baǵyty bolsa, ekinshisi segmenttelý nemese ózara tuıyqtalý baǵyty bolmaq. Úlken ıntegratsııalanýǵa baǵyttalatyn birinshi jol neǵurlym paıdaly bolyp tabylady, biraq sonymen birge, úlken mindettemelerdi qajet etedi. Bul ıntegratsııalaný túriniń taǵy bir artyqshylyǵy kapıtaldy bólýdegi tıimdiliktiń kóterilýimen qatar elder arasyndaǵy árkelki damýshylyq kórinisi azaıa túspek. Al segmenttelý joly damýdyń múldem qarapaıymdalý kórinisi retinde qarastyrylady. Osyndaı qaýip-qater halyqaralyq qarjy júıesinde, ásirese, onyń bank sektorynda qazirdiń ózinde kórinis berýde», - delinedi «Jahandyq qarjy júıesi: daǵdarys týdyrǵan dármensizdik» atty maqalada.
«Qytaı Nursultan Nazarbaevtyń saıası kóregendigine tánti» dep jazady «Egemen Qazaqstan» basylymy.
«Qytaıdyń Shanhaı qalasynda ótken Azııadaǵy ózara is-qımyl jáne senim sharalary jónindegi keńestiń ІV sammıtinde QHR Tóraǵasy Sı Tszınpın osylaı dedi. Bul - Qazaqstan Prezıdentine degen zor baǵa, al halqymyz úshin úlken maqtanysh dep bilemiz. Iá, keńeske múshe 11 eldiń memleket basshylary, jalpy 26 múshe, 7 baıqaýshy memleket, 4 halyqaralyq uıym ókilderi, tipti, BUU-nyń Bas hatshysy Pan Gı Mýnnyń ózi arnaıy qatysqan aýqymdy halyqaralyq jıynda jalpaq álemge jarııalanǵan Elbasy týraly bul pikir sharaǵa qatysqan jýrnalısterdi ǵana emes, aqparat quraldary arqyly habardar bolyp otyrǵan barlyq qazaqstandyqtardy maqtanyshqa bólegeni anyq», - delingen materıalda.
***
Elbasy Qytaı bıznesmenderin Qazaqstanǵa qarajat quıýǵa shaqyrdy, dep habarlaıdy «Túrkistan» basylymy « Qytaımen saýda aınalymy - 40 mlrd. $» atty maqalasynda.
«Bul - kindigi kómirsýtegilerge baılanyp qalǵan qazaq ekonomıkasyn damytýǵa sep. Alaıda, sarapshylar qaýymy aýyly aralas, qoıy qoralas jatqan alpaýyt eldiń asa belsendiligine alańdaıdy. Qytaıda IV Azııadaǵy ózara is-qımyl jáne senim sharalary keńesiniń (AÓSShK) sammıti bastaldy», - dep jazady gazet.
Shara barysynda qytaılar Qazaq prezıdentine «Jibek joly» álemdik syılyǵyn tabys etti. «Beıbitshilikti qamtamasyz etý men onyń gúldenýine qosqan orasan zor úlesińiz úshin «Jibek joly» álem syılyǵyn tabys etemiz. Siz - bul syılyqty alǵan tuńǵysh adamsyz», - dep Nazarbaevtyń aldynda aǵynan jarylǵan qytaılar Elbasymen birge aýyl sharýashylyǵy, tranzıttik-transporttyq, saýda-ekonomıkalyq, qarjylyq-ınvestıtsııalyq salaǵa qatysty ekijaqty máselelerdi keńinen talqyǵa saldy.
***
Resmı tilde jarııalanatyn «Ekspress K» gazeti Gennadıı Golovkınniń súıikti sportshy qyzy týraly maqala jarııalap otyr.
«Qazaqstandyq kásipqoı boksshy Gennadıı Golovkınniń súıikti qyzy, jekpe-jek sportynyń maıtalman tulǵasy bar - ol 27 jastaǵy amerıkalyq Ronda Roýzı. Ol óz kezeginde ǵalamshardyń eń tartymdy 100 áıeldiń qataryna enip otyr», - delingen maqalada.
Gazettiń jazýy boıynsha, MAXIM basylymy Hot 100 List 2014 atty álemniń eń tartymdy áıelderiniń tizimin jarııalady. Onyń qataryna erejesiz jekpe-jektiń úsh ókili engen. Olardyń qatarynda eń joǵary oryndy UFC chempıony Ronda Roýzı ıelengen. Óz kezeginde ol bokstan WBA jáne IBO chempıony Gennadıı Golovkınniń eń súıikti sportshysy bolyp tabylady. Roýzı sońǵy jekpe-jegin 23 aqpan kúni Sara Makmannǵa qarsy ótkizgen bolatyn. Kezdesý tek 1 mınýt 9 sekýndqa jalǵasty. Roýzı óziniń qarsylasyna birde-bir múmkindik bergen joq.
Maqalany tolyǵymen «Lıýbımaıa jenşına boksera Golovkına» atty materıaldan oqı alasyzdar.