Boksshy Fırýza Sháripova ırlandyq qarsylasynan jeńilip qaldy
Fırýza Sháripova men ırlandyq Ketı Teılor arasyndaǵy jekpe-jek búgin Ulybrıtanııanyń Lıverpýl qalasynda ótken bolatyn.
Jeńil salmaqtaǵy tıtýldyq kezdesý on raýndtqa shaqtalǵan, al jeńgen adam Teılordyń WBC, WBO, WBA, IBF sekildi álem chempıony tıtýldaryn ıelenýge tıis edi.
Bul aıqas ádilqazynyń biraýyzdan sheshimi boıynsha Teılordyń jeńisimen aıaqtaldy.
Degenmen Fırýza absolıýt chempıonǵa on raýnd boıy azýly qarsylyq kórsete bildi. Tek altynshy raýndta ǵana referı onyń bir upaıyn alyp qoıdy.
Osylaısha Ketı Teılor óziniń kásibı sport jolyndaǵy jıyrmasynshy jeńisine qol jetkizip, búkil tıtýldaryn, jeńil salmaqtaǵy absolıýt álem chempıony ataǵyn qorǵap qaldy.
Fırýza Sháripova kásipqoı boksta ekinshi ret jeńilis tapty.
Aıta keteıik, qazaqstandyq boksshy 2016 jyldan beri bir de bir márte jeńilgen joq edi.