Boksshy Fırýza Sháripova aralas jekpe-jek sportyna aýysty
Bul jaıynda ol óziniń Instagram paraqshasynda málimdedi.
Aıtýynsha, 30 shildede Nur-Sultanda ótetin ataqty Alash Pride promoýsheniniń týrnırinde alǵash ret baq synaıdy.
«Meniń osy jarysqa qatysatynym bıylǵy naýryz aıynda sheshilgen bolatyn. Sol kezde Dýbaıda ótken halyqaralyq EXPO 2020 kórmesinde Alash Pride KZ klýbynyń prezıdenti Danııar Qasqaraýovpen kezdesip, kelisimge keldik» dep jazady Fırýza Sháripova.
Qarsylasy kim bolatyny áli belgisiz. Onyń esimi jaqynda jarııalanady deıdi sportshy.
Esterińizde bolsa, 2019 jyly Fırýza Sháripova sportpen qosh aıtysyp, sábıli bolǵan edi. Degenmen arada bir jyl ótkende 25 jastaǵy sportshy kásibı boksqa qaıta oralǵan.
Sol jyly Qazanda ótken kásibı boks keshinde IBA nusqasy boıynsha birinshi orta salmaqta álem chempıony atandy. Ol tanzanııalyq Heppı Daýdımen rıngke shyqty.
Al byltyr jeltoqsanda jeńil salmaqtaǵy álemniń absolıýt chempıony ırlandııalyq Ketı Teılordan jeńilip qalǵan edi.
Qazaqstandyq kásipqoı boksta osymen ekinshi ret jeńiliske ushyrady. Sondaı-aq onyń qorjynynda 14 jeńis bar.