Boksshy Ermahan Ybraıymov «100 aýrýhana» baǵdarlamasyna qarsy shyqty

ASTANA. QazAqparat - Elimizde «100 mektep» salý durys, al «100 aýrýhana» salýǵa kelispeımin. Búgin Parlament Senatynda «Bokstan olımpıadalyq daıarlaý ortalyǵy» Respýblıkalyq memlekettik-qazynalyq kásiporyn dırektory Ermahan Ybyraıymov osyndaı pikir bildirdi. Eske salaıyq, Úkimet saǵaty «Qazaqstan-2050» strategııasyn júzege asyrý aıasynda buqaralyq sportty zańnamalyq qamtý máselelerine arnalǵan bolatyn.

«Elimizde júzege asyp jatqan «100 mektep pen 100 aýrýhana» baǵdarlamasyndaǵy 100 aýrýhana salýǵa kelispeıtinderdiń biri menmin. Ras, úlken qurylystar júrgizildi. Soǵan oraı, sportshy retinde «100 mektep» salýǵa esh qarsylyǵym joq. Biraq, «100 aýrýhana» degenge kelispeıtinderdiń biri - menmin. Óıtkeni, bul degenińiz Qazaqstanda ylǵı densaýlyǵy joq adamdar ǵana turatyn sııaqty», - deıdi boksshy.

Bul rette ol buqara arasynda aýrýdy emdeýden góri, aýrýdyń aldyn alý máselesiniń ózekti ekenin eske salady. «Aýyryp em izdegenshe, aýyrmaıtyn jol izde» degen babalarymyzdyń sózi bar emes pe? 100 aýrýhanynyń ornyna 50 aýrýhana salynsyn, qalǵan 50 aýrýhananyń ornyna 50 sport kesheni salynsyn», - dedi E. Ybraıymov.