Boksshy Aıdos Erbosynuly álem chempıony ataǵy úshin jekpe-jekte jeńilip qaldy

ASTANA. QazAqparat – Qazaqstandyq boksshy Aıdos Ermosynuly (16-0, 11 KO) men kýbalyq Davıd Morrel (7-0, 6 KO) arasynda WBA nusqasy boıynsha sýper orta salmaqtaǵy «turaqty» álem chempıony ataǵy úshin jekpe-jek ótti, dep habarlaıdy QazAqparat Sports saıtyna silteme jasap.

Jeńilip kórmegen qazaqstandyq boksshy Aıdos Ermosynuly jas kýbalyq Davıd Morrelge qarsy tıtýldyq jekpe-jekte jeńilgenin moıyndaýǵa májbúr boldy. Erbosynuly kásibı rıngte birinshi ret nokaýtpen jeńildi.

Kýbalyq sportshy jekpe-jektiń alǵashqy mınýttarynan bastap qazaqstandyq boksshyǵa soqqy berip, upaı jınady.
Davıd Morrel kásipqoı rıngte segizinshi ret jeńiske jetip, óziniń WBA nusqasy boıynsha «turaqty» álem chempıony belbeýin sátti qorǵady.
Eske sala keteıik, keshe qazaqstandyq boksshy AQSh-ta álem chempıony ataǵy úshin jekpe-jek ótkizetini habarlanǵan bolatyn.