Boksshy Álı Ahmedov kelesi jekpe-jegin jeltoqsanda ótkizýi múmkin
14:28, 04 Qazan 2022
ASTANA. QazAqparat - Orta salmaqtaǵy qazaqstandyq boksshy Álı Ahmedov qyrkúıektegi jeńisinen keıin rıngke qaıtyp oralatyn ýaqytyn jarııalady, dep habarlaıdy QazAqparat Sports.kz saıtyna silteme jasap.
18 qyrkúıekte Ahmedov Las-Vegasta Gennadıı Golovkın – Saýl «Kanelo» Alvares arasyndaǵy úshinshi boks keshi aıasynda judyryqtasyp, onda tóreshilerdiń biraýyzdan qabyldaǵan sheshimimen amerıkalyq Gabrıel Rosadony jeńip, ekinshi orta dıvızıondaǵy bos bolǵan WBC Silver jáne IBF North American chempıony tıtýldaryn ıelendi.
«Meniń komandam kelesi jekpe-jegime qatysty júmis júrgizýde. Ol jeltoqsanda ótedi dep úmittenemin «, - dep bólisti ol The Ring basylymyna bergen suhbatynda.
Álı Ahmedov – Golovkınniń GGG Promotions promoýterlik kompanııasynyń boksshysy.