Boksshylarymyz bir de bir Olımpıadadan júldesiz qaıtqan emes — mınıstr
Eske sala keteıik, 80 keli salmaqta óner kórsetken Nurbek Oralbaı Olımpıada fınalynda Aleksandr Hıjnıakqa (Ýkraına) ese jiberip, kúmis júlde ıelengen bolatyn.
«Bilekti de júrekti bylǵary qolǵap sheberi Nurbek Oralbaıdy kúmis júldemen shyn júrekten quttyqtaımyn! Parıj sharshy alańynda jerlesterimiz asa sátti óner kórsete almasa da, Qazaqstan báribir boks álemindegi orny bólek quramalardyń biri bolyp qala beredi. Bulaı dep aıtýyma jerlesterimizdiń bir de bir Olımpııa oıyndarynan júldesiz qaıtpaǵany dálel bola alady. Parıjdegi dúbirli dodada bylǵary qolǵap sheberlerimiz dástúrden jańylmaı, el qorjynyna júlde saldy. Chempıondy tárbıelegen jeke bapkeri Asqar Erkebaevqa, bas jattyqtyrýshy Myrzaǵalı Aıtjanovqa, jalpy bapkerlik quramǵa alǵysymdy aıtamyn. Barsha otandasymyzdy Olımpıadanyń kúmis júldesimen quttyqtaımyn!» — dedi Týrızm jáne sport mınıstri Ermek Marjyqpaev.