Bokspen de aınalysyp kórýim múmkin – Elena Rybakına

ASTANA. QazAqparat – Qazaqstannyń birinshi, álemniń 4-raketkasy Elena Rybakına Rolan Garros týrnırindegi ekinshi jeńisinen keıin pikir bildirdi, dep habarlaıdy QazAqparat tilshisi.

Qazaqstandyq tennısshi aldymen búgingi qarsylasy, chehııalyq Lında Noskova týraly aıtty.

- Onyń oıynyn ótken jyly kórgenmin, hard tósenishinde tym táýir tabystarǵa qol jetkizdi. Biz buǵan deıin esh ýaqytta birge jattyqqan emespiz, jolymyz da túıisip kórmepti. Búgin de ol jaqsy oınady, ásirese, dop bergende ábjildik tanytty. Men ózim dop bergenime onsha rıza bolǵan joqpyn. Degenmen jeńgenime qýanyshtymyn.

- Qazaq eliniń týyn joǵary kóterip júrgen bokstan álem chempıony Gennadıı Golovkın bar. Óziń bokspen aınalysyp kórdiń be? Boks pen tennısti jaqyndastyratyn uqsastyqtar bar ma, aıyrmashylyqtary qandaı? Eki aptaǵa sozylatyn Rolan Garros týrnırinde qarsylastardyń bárin «nokaýtqa» jibere alasyń ba?

- Árıne, Gennadııdi bilemin. Onymen eshqashan kezdesken emespin, degenmen tamasha sportshy. Bokspen shuǵyldanyp kórmeppin. Bálkim, jattyǵyp kórý paıdaly bolar. Ol da – jyldam qımyldy qajet etetin sport túri. Tennıste de boks sııaqty óte tez qozǵalyp, jyldam oılaý kerek. Bálkim, bokspen de aınalysyp kórermin (kúledi).

Eske sala keteıik, budan buryn ıÝlııa Pýtıntsevanyń Rolan Garros týrnıriniń úshinshi aınalymyna shyqqanyn jazǵan edik.

Sondaı-aq Aleksandr Nedovesov te Rolan Garros týrnırin sátti bastady.

Elena Rybakına Rolan Garros týrnıriniń úshinshi aınalymyna ótti.