Boks: Jeńilip qalǵan Jalǵasqa 24 500 dollar buıyrdy

NUR-SULTAN. QazAqparat – Qazaqstandyq faıter Jalǵas Jumaǵulovtyń (14-6) angolalyq Manel Kapemen (17-6) ótkizgen aıqasy úshin alatyn gonorary belgili boldy, dep habarlaıdy QazAqparat Sports.kz-ke silteme jasap.

Las-Vegasta (AQSh) ótken UFC on ESPN 31 týrnırinde Jumaǵulov Kapeden birinshi raýndta tehnıkalyq nokaýtpen jeńildi. Osy jekpe-jek úshin Jalǵas 24 500 dollar (20 000 dollar – oktagonǵa shyqqany úshin, 4 500 dollar – ytalandyrý bonýsy) aldy.

Aıta keteıik, Jalǵas Jumaǵulov úshin bul aıqas UFC-degi úshinshi jeńilisi. Oǵan deıin ol tóreshilerdiń biraýyzdan qabyldaǵan sheshimimen brazılııalyq Raýlıan Paıve (21-3) men shved boksshysy Amır Albazıden (14-1) jeńilip qalǵan bolatyn. Jumaǵulov óziniń jalǵyz jeńisine amerıkalyq Djerom Rıveramen (10-6) bolǵan jekpe-jekte qol jetkizgen edi.