Boks: Sanjar Táshkenbaı jastar arasynda Azııa chempıonatynyń jartylaı fınalyna shyqty
14:38, 20 Qańtar 2023
ASTANA. QazAqparat - Taıland astanasy Bangkokta 22 jasqa deıingiler arasynda bokstan ótip jatqan Azııa chempıonatynda Sanjar Táshkenbaı jartylaı fınalǵa shyqty, dep habarlaıdy QazAqparat tilshisi.
Jastar arasynda álem chempıony Sanjar Táshkenbaı 48 kelige deıingi salmaqta malaızııalyq Chambaı Djeksonmen judyryqtasty.
Jekpe-jek Sanjardyń aıqyn basymdylyǵymen ótip, ol úshinshi raýndta qarsylasyn nokdaýnǵa jiberdi.
Osylaısha, Sanjar Táshkenbaı jartylaı fınalǵa ótti.
Búgin Qazaqstannan basqa da boksshylar rıngke shyǵady.
Eske sala keteıik, budan buryn qazaqstandyq boksshylardyń Azııa chempıonatyn jeńispen bastaǵanyn jazǵan bolatynbyz.
Foto: sports.kz